Ùsu mə kəli bwôʼ kìy anə təmbàʼ
Ùsu mə zəŋi fəli kwab kə iyiə kə̀ liy kiy ani zəŋi tsə nə̀ idzəŋi i ghu nə̀ byiə kə ghu kiy, nə̀ iyiə i Kəzə̀ yìy anə idzə̀ŋi ghu zû isə anə mbyi idzə̀m. Ghu mə kəli bwôʼ kìy anə təmbàʼ!
Anə vənə tə ibàm tə̀ ìbè, aghû yə̀ ghu faʼà nəniy anə dzəŋə kə̀ byiə kə idzə̀ŋi Usu kiy, ghu mâ fàʼ kwab kə iyiə kiy ani zəŋi tsə nə̀ fàʼ kə̀ byiə kə idzə̀ŋi Usu. Anə də̀mə̀ àyiə yə ghu faʼa nəniy, kwab kə iyiə kə̀liy kə ghu kə̀ fàʼ nəniy à də̀ ani byiə bwôʼ kə təmbàʼ kə Usu.
Ayiə ghu fâʼ nəniy, à də̀ kwab kə iyiə ani kwe fəli yə̀ anə fàʼ kə̀ ghu bôʼ fàʼ dzə̂ nəniy ani zəŋi tsə nə̀ aghê kəli tsə Usu, nə̀ byiə kə ghu kiy nə̀ dzə̀ ə̀ Kə̀zə̀ anə idzə̀ŋi Usu anə lòʼo tədzə̀m. À də̀ sòʼò kə bwôʼ ani zòŋə̀ dzəŋə bə̀ Ùsu wə ghu də nəniy inaʼ nə̀ Ùsu yə ghu dəniy abee moo a ŋgùŋ, nyiə̀ sòʼò kə̀bwòʼ ani zəŋi tsə nə̀ dzə̀ ə̀ Kə̀zə̀ anə idzəŋi Usu nə̀ byiə kə Usu kiy nɛmə yə̂.
Bwôʼ kə̀ aghee dzəŋə̀ kə̀ byiə kə idzə̀ŋi Usu yiy zəŋi nəniy à də̀ ani zəŋi tsənə̀ aghê ki də ani kəli tsə idzəŋi Usu nə̀ byiə kə Usu kiy, nyə̀ tsə sòʼò mə̀ŋkwiʼi ate anə mbyi idzə̀m.
Ndə̀mə̀ kə̀fàʼ nam də̀ ŋwô. Fàʼ kə̀ ghî dè bə̀ nə̀ a də ŋwô ani fàʼ kwab tə ayiə bəə ŋgà faʼà dzəŋə yə̂ anə fôŋ ìmòʼ nə̀ anə imòʼ ìmòʼ awò inaʼ i ŋgàŋ yìy.
Ukali awò aghě dzəŋə kə̀ byiə kə idzə̀ŋi Usu yiy. Ukali awò Ùsu dzəmə dzə̀m anə kwab k-a-fàʼ kə̀!
Bwôʼ kə Usu anə təmbàʼ də̌: isu.ethnosites.org
