Dzə̀ tə̀ də̌ tsə̀d ìdzòŋə̀ yìy tə fî nəniy ani kwi na idzəŋi Usu anə dzəd yə i də nŋeiy ani zù isə. Dzə̀ tə̀ nyə̀ sòʼò kə̀bwòʼ awò Ùsu ani zuw dzə̀ ə̀ Kə̀zə̀ anə idzə̀ŋì yə̀ ghu zuw kyilə nəniy. Zəŋə sòʼò nə̀ ntùm ìdzòŋə̀ yə̀ dòʼò anə fòŋ tə ghu. 

Ntùm ìdzòŋə̀ yə̀ Lukâs kə twâ, dzì bə̀ ayiə kùmə̀ yə̀ nə̀ imùə̀ i Yesù yiy nə̀ fàʼ kə ù kə fâʼ nəniy, nə̀ yəə ù kə pfə nəniy ate, nə̀ yəə ù kə zɛmə̀ dzwə̀ŋi ate anə ipfə. Ntùm ìghà yə̀ dè bə̀ iliə yə Zə̀kìy kwu nəniy azoŋə̀ àghù yìy, nə̀ mwuli kə̀kwoʼo kə ù kwu nəniy, nə̀ yəə ù liə nəniy ani bii fyi aghee mbyi àdzə̀m ate. Àtsəb mba də̀ awò àghù yə̀ ghu də nəniy yəə à də̀ aghê à la yiy anə iyiə i Kəzə̀, nə̀ àyuu, ghu mbvuŋə̀ nəniy ani mùə̀ ìmùə̀ yə̀ Zə̀kìy liə nəniy, nə̀ àyuu aghee koʼò kê nənniy ghu.  Dzə̂ tə̀ fìì nə̀ aghê zuw izwiʼi yə izəŋə nəniy utwab wiy anə sòŋə idzə̀m anə idzə̀ŋi ghu.